काठमाडौं। निर्वाचन आयोगले समानुपातिक प्रणालीतर्फ सांसद पाएका कुनै पनि दलले पठाएको सूची नबिग्रिएको बताएको छ ।
आयोगको कानुन तथा राजनीतिक दल व्यवस्थापन महाशाखाका प्रमुख सहसचिव यज्ञप्रसाद भट्टराईले आयोगमा सूची पेस गरेका कुनै पनि दलको सूची नबिग्रिएको जानकारी दिए ।
‘हामीले दलहरूले पठाएका सूची अध्ययन गरिरहेका छौँ । सबै दलले क्लस्टर मिलाएर सूची पठाएका छन् ।
कसैको बिग्रेको छैन,’ भट्टराईले रातोपाटीसँग भने ।
उनले आफूहरूले सूची रुजु गरिरहेको र सोमबार साँझसम्म सूची प्रकाशित गर्ने तयारी गरिरहेको जानकारी पनि भट्टराईले दिए ।
समानुपातिकतर्फ ६ पार्टीले सांसद बनाउन पुग्ने मत ल्याएका थिए ।
आयोगका अनुसार राष्ट्रिय स्वतन्त्र पार्टीले ५७, नेपाली कांग्रेसले २०, नेकपा एमालेले १६, नेपाली कम्युनिष्ट पार्टीले ९ तथा राष्ट्रिय प्रजातन्त्र पार्टी र श्रम सस्कृति पार्टीले ४/४ सिट पाएका छन् ।
प्रकाशित मिति: २ चैत्र २०८२, सोमबार
प्रतिक्रिया