काठमाडौं । नेकपा एमालेका नेता गोकुल बाँस्कोटाले नयाँ सरकारलाई कम्तीमा तीन महिना काम गर्ने अवसर दिनुपर्ने बताएका छन्।
सामाजिक सञ्जाल फेसबुकमार्फत आफ्नो धारणा सार्वजनिक गर्दै गोकुल बाँस्कोटाले सरकारको सुरुवाती कामको मूल्याङ्कन गर्न हतार नगर्न सुझाव दिएका हुन्। ‘रास्वपाले चुनाव जितेको छ, अब कसरी शासन चलाउँछ भन्ने उनीहरूको जिम्मेवारी हो,’ उनले लेखेका छन्, ‘सरकार गठन भएको तीन महिनासम्म अरूले टिप्पणी गर्नु आवश्यक छैन।’
जनताको मतबाट निर्वाचित भएकाले केही समय धैर्यतापूर्वक हेर्नुपर्ने उनको भनाइ छ। ‘जनता पहिले पनि थिए, अहिले पनि छन् र भविष्यमा पनि रहनेछन्। फरक यत्ति हो कि यसपटक जनताले उनीहरूलाई रोजेका छन्,’ उनले उल्लेख गरेका छन्।
उनले थपे, ‘जनताले उनीहरूको प्रतिबद्धतामा विश्वास गरेका हुन्, त्यसैले अनावश्यक आलोचना र आरोप–प्रत्यारोपभन्दा काम गर्न दिने वातावरण बनाउनु उचित हुन्छ।’
प्रकाशित मिति: ४ चैत्र २०८२, बुधबार
प्रतिक्रिया