काठमाडौं । नेपाल आयल निगम ले पेट्रोलियम पदार्थको मूल्य फेरि बढाएको छ।
इन्डियन आयल कर्पोरेसन (आइओसी)लाई रकम भुक्तानी गर्न नसक्दा आपूर्ति व्यवस्थापन नै प्रभावित हुने भन्दै निगमले पेट्रोल, डिजेल र मट्टितेलको मूल्य प्रतिलिटर १५ रुपैयाँले बढाएको हो। बढेको मूल्य बिहीबार बिहान १२:०१ बजेदेखि लागू हुनेछ।
मध्यपूर्वमा जारी युद्धका कारण अन्तर्राष्ट्रिय बजारमा मूल्य अकासिएपछि निगमले आफू आर्थिक संकटमा फसेको जनाएको छ। पछिल्लो १५ दिनमै ५ अर्ब घाटा व्यहोरेको भन्दै निगमले आगामी १५ दिनमा थप १५ अर्ब घाटा हुने प्रक्षेपण गरेको छ।
प्रकाशित मिति: ११ चैत्र २०८२, बुधबार
प्रतिक्रिया