काठमाडौं । नेपाली कांग्रेसका महामन्त्री प्रदीप पौडेलले नवनियुक्त प्रधानमन्त्री बालेन्द्र शाहलाई बधाई दिएका छन्। उनले सरकारका राम्रा काममा पार्टीको साथ रहने भन्दै सूक्ष्म निगरानी पनि गर्ने बताए।
उनले भने, ‘झन्डै दुई तिहाइको सरकार भएकाले यो सरकारसँग जनताका अपेक्षा धेरै छन्, ती पूरा हुँदै जानेछन् भन्ने विश्वास मैले लिएको छु । अर्कोतिर यो जति अवसर हो, नवनियुक्त प्रधानमन्त्री तथा मन्त्रीहरूका लागि त्यति नै चुनौती पनि ।’
उनले सरकारका राम्रा कामहरूमा समर्थन सधैँ रहने बताए।
उनले भने, ‘सँगसँगै हामीले सरकारका कामहरूबारे सूक्ष्म निगरानी पनि गर्नेछौँ, जनताको अपेक्षाविपरीत कुनै कदम चालिए, संविधान तथा राष्ट्रियताको रक्षाका लागि, हामी खबरदारी पनि गर्नेछौँ ।’
प्रकाशित मिति: १३ चैत्र २०८२, शुक्रबार
प्रतिक्रिया