काठमाडौँ । पार्टी अध्यक्ष तथा पूर्वप्रधानमन्त्री केपी शर्मा ओलीको पक्राउको विरोधमा नेकपा एमालेले आज देशभरका जिल्ला प्रशासन कार्यालयहरूमा विरोधपत्र बुझाउने भएको छ।
शनिबार बसेको आकस्मिक सचिवालय बैठकको निर्णयअनुसार पार्टीले यो कदम चाल्न लागेको हो।
एमालेले भदौ २३ र २४ का घटनाको छानबिनका लागि गठन गरिएको गौरीबहादुर कार्की नेतृत्वको आयोगप्रति असहमति जनाउँदै उक्त घटनाको निष्पक्ष अनुसन्धानका लागि उच्चस्तरीय छानबिन आयोग गठन गर्न माग गरेको छ।
ओली पक्राउपछिको राजनीतिक अवस्थाबारे संसदमा रहेका विभिन्न दलहरूसँग संवाद गर्दै सामूहिक प्रतिवादको समन्वय गर्न विष्णु पौडेल, रामबहादुर थापा र गोकर्ण विष्टलगायत नेताहरूलाई जिम्मेवारी दिइएको छ।
प्रकाशित मिति: १५ चैत्र २०८२, आइतबार
प्रतिक्रिया