काठमाडौं। नेकपा (एमाले) का सचिव महेश बस्नेतलाई पक्राउ गर्न माग गर्दै शोभा पाठक सरकारी वकिलको कार्यालय पुगेकी छन् ।
महेश बस्नेतलाई पक्राउ गर्न माग गर्दै पाठक केही समयअघि काठमाडौं प्रहरी परिसरबाट निवेदन दिएर सरकारी वकिलको कार्यालय पुगेकी हुन् । उनले विगत ११ वर्षदेखि बस्नेतले आफूमाथि यौन शोषण र दुर्व्यवहार गरेको आरोप लगाउँदै आएकी छन् ।
पाठकले २५ चैत २०८० मा बस्नेतविरुद्ध जबरजस्ती करणीको जाहेरी दर्ता गरेकी थिइन् । तर सरकारी वकिलले प्रमाण पर्याप्त नभएको भन्दै उक्त मुद्दालाई तामेलीमा राख्ने निर्णय गरेको थियो ।
सरकारी वकिलको उक्त निर्णयविरुद्ध शोभा पाठकले उच्च अदालतमा निवेदन दिएकी थिइन् । तर उक्त निवेदन अझै टुंगो लागेको छैन ।
यो घटनाले नेपाली राजनीतिक तथा सामाजिक वृत्तमा पुनः चर्चा पाएको छ ।
प्रकाशित मिति: १५ चैत्र २०८२, आइतबार
प्रतिक्रिया