काठमाडौं । काठमाडौंको गुर्जुधारास्थित यातायात व्यवस्था कार्यालयबाट प्रहरीले ८ जना बिचौलियालाई पक्राउ गरेको छ।
ब्लु बुक नवीकरणलगायतका सेवामा सहजीकरण गरिदिने भन्दै सेवाग्राहीलाई अनावश्यक झन्झट दिने तथा हैरानी पार्ने आरोपमा उनीहरूलाई प्रहरी वृत्त थानकोटबाट खटिएको टोलीले नियन्त्रणमा लिएको हो।
पक्राउ पर्नेहरूमा कुलेश्वरका २५ वर्षीय पासाङ तामाङ, काभ्रेका ३० वर्षीय सुनिल लामा, चन्द्रागिरिका २३ वर्षीय सुदीप मगर, धादिङका २० वर्षीय बुद्ध तामाङ, मकवानपुरका २६ वर्षीय सुमेश नेपाली, धादिङकै अमन तामाङ, बझाङका उज्ज्वल सिंह र मोरङका २६ वर्षीय दिलीप राई रहेका छन्।
प्रहरीका अनुसार उनीहरूको साथबाट सेवाग्राहीका ब्लु बुकहरू समेत बरामद गरिएको छ।
प्रकाशित मिति: १७ चैत्र २०८२, मंगलबार
प्रतिक्रिया