इरान परमाणु हतियारको एकदमै नजिक पुगिसकेको थियो : ट्रम्प

काठमाडौं । अमेरिकी राष्ट्रपति डोनाल्ड ट्रम्पले ह्वाइट हाउसमा सम्बोधन गर्दै इरानमाथि गरिएको सैन्य कारबाहीको विवरण प्रस्तुत गरेका छन्। उनले इरानको सैन्य शक्ति कमजोर भएको, वायुसेना ध्वस्त भएको र अधिकांश नेताहरू मारिएको दाबी गरेका छन्। ट्रम्पका अनुसार, इरान परमाणु हतियार निर्माणको निकै नजिक पुगेको कारणले यो आक्रमण आवश्यक परेको हो र अहिले मुख्य उद्देश्य पूरा भइसकेको छ।

उनले इजरायलसहित मध्यपूर्वका सहयोगी देशहरू — साउदी अरेबिया, बहराइन, कतार, कुवेत र संयुक्त अरब इमिरेट्स — लाई समर्थनका लागि धन्यवाद दिएका छन्। ट्रम्पले इरानले ती देशहरूमा आक्रमण गरेको असत्य दाबी गर्दै यसले इरान क्षेत्रीय रूपमा ठूलो खतरा भएको पुष्टि गर्ने बताएका छन्।

अमेरिकाले इरानविरुद्धको कारबाहीलाई ‘एपिक फ्युरी’ नाम दिएको छ। उनले यस सम्बोधनमार्फत जनतालाई यो कदम किन आवश्यक थियो भन्ने बुझाउन खोजेका छन्। साथै, उनले विगत ४७ वर्षमा इरान र उसका समर्थित समूहहरूले गरेका विभिन्न चरमपन्थी आक्रमण र त्यहाँका विरोध प्रदर्शनमा हजारौँ नागरिक मारिएको घटनालाई उदाहरणका रूपमा उल्लेख गर्दै इरानी नेतृत्वलाई ‘हत्यारा’ भनेका छन्।

प्रकाशित मिति: १९ चैत्र २०८२, बिहिबार