काठमाडौं। नेपालको प्रधानमन्त्रीका रूपमा बालेन्द्र शाह (बालेन) ले कार्यभार सम्हालेकोमा अष्ट्रेलियाले हार्दिक बधाई ज्ञापन गरेको छ ।
अष्ट्रेलियाकी विदेशमन्त्री पेनी वोङले प्रधानमन्त्री शाहको सफल कार्यकालको कामना गर्दै बधाई सन्देश पठाएकी छन् । यो जानकारी यहाँस्थित अष्ट्रेलियाली राजदूतावासले दिएको हो ।
सन्देशमा विदेशमन्त्री वोङले अष्ट्रेलिया र नेपालबीचको मित्रता सुदृढ रहेको उल्लेख गर्दै शान्त, स्थिर र समृद्ध एसिया–प्रशान्त क्षेत्र निर्माणका लागि प्रधानमन्त्री शाहसँग सहकार्य गर्न आफू तत्पर रहेको बताएकी छन् ।
यो बधाईले नेपाल र अष्ट्रेलियाबीचको द्विपक्षीय सम्बन्धलाई थप मजबुत बनाउने अपेक्षा गरिएको छ ।
प्रकाशित मिति: २१ चैत्र २०८२, शनिबार
प्रतिक्रिया