काठमाडौं। छुट्टाछुट्टै स्थानमा डुबेर दुई जनाको ज्यान गएको छ।
सल्यानको बनगाड कुपिण्डे नगरपालिका-१ देवस्थल नजिकै भेरी नदीमा डुबेर सोही नगरपालिका-२ औलबेसी बस्ने १६ वर्षीय सेतुराम बुढाथोकीको शुक्रबार साँझ मृत्यु भएको छ। डुबेर अशक्त भएका उनको मेहेलकुना अस्पताल सुर्खेतमा थप उपचारको क्रममा मृत्यु भएको हो।
बाँकेको राप्तीसोनारी गाउँपालिका-६ पदनाह बस्ने राम प्रसाद थारूको छोरा १२ वर्षीय रोहित थारूको सोही ठाउँस्थित राप्ती नदीमा डुबेर शुक्रबार साँझ मृत्यु भएको छ। डुबेर अशक्त भएका उनको भेरी अस्पताल नेपालगंजमा उपचारको क्रममा मृत्यु भएको हो।
यस सम्बन्धमा प्रहरीले आवश्यक अनुसन्धान गरिरहेको छ।
प्रकाशित मिति: २१ चैत्र २०८२, शनिबार
प्रतिक्रिया