काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ पत्नी सीता दाहालको अनुपस्थितिमा पनि उनको नामबाट मतदान भएको पाइएको छ।
आज बिहान साढे सात बजेको समयमा भरतपुर महानगरपालिका १४ स्थित नेपाल पुलिस स्कूल शान्तिपुरमा पुगेर छोरी गंगा दाहालले आमाको नामको मतदान गरेको स्थानीयले आरोप लगाएका छन्।
चितवन क्षेत्र नम्वर ३ का सहायक निर्वाचन अधिकृत पुरुषोत्तम पौडेलले सीता दाहालको नामबाट मतदान भएको जानकारी प्राप्त गरेको पुष्टि गरे । सीताको नाममा मतदान भएको छ उनले भने कसले हाल्यो खुलेको छैन।
उनले उजुरी परेपछि छानबिन प्रकृया अघि बढाइने बताए। सीता दाहाल काठमाण्डौँको एक अस्तालमा उपचारत रहेकी छन्। उक्त मतदान केन्द्रमा क्रमसङ्ख्या नम्बर १५२३ मा सीता दाहालको मतदाता नम्बर १४३३९२८३ रहेको उल्लेख छ ।
प्रकाशित मिति: ४ मंसिर २०७९, आइतबार
प्रतिक्रिया