काठमाडौं । जुम्लाको हिमा गाउँपालिकाबाट बिरामी बोकेर नेपालगञ्जतर्फ जाँदै गरेको एम्बुलेन्स कालिकोटको खाँडाचक्र नगरपालिका अन्तर्गत मेयर खोलानजिक दुर्घटनामा परेको छ।
गए राति करिब ८ बजेतिर भएको उक्त दुर्घटनामा एम्बुलेन्स चालक हिमा गाउँपालिका–७ मर्चीगाउँका २६ वर्षीय शक्ति शाही र हिमा गाउँपालिका–६ पाथरखोलाका ३२ वर्षीय भीमबहादुर अधिकारीको घटनास्थलमै ज्यान गएको जिल्ला प्रहरी कार्यालय कालिकोटका सूचना अधिकारी गणेश ज्ञवालीले जानकारी दिएका छन्।
दुर्घटनामा अन्य दुई जना घाइते भएका छन्। घाइते हुनेहरूमा लोकेन्द्र शाही र अक्कल अधिकारी रहेका छन्, उनीहरूको जिल्ला अस्पतालमा उपचार भइरहेको प्रहरीले जनाएको छ।
प्रकाशित मिति: २६ चैत्र २०८२, बिहिबार
प्रतिक्रिया