काठमाडौं। धादिङ जिल्लाको गल्छी गाउँपालिका-३ छतिनटारमा ५० वर्षीया महिलामाथि जबरजस्ती करणी गरेको अभियोगमा एक युवक पक्राउ परेका छन् ।
प्रहरीका अनुसार गल्छी-३ का २८ वर्षीय रवि पोखरेललाई बुधबार दिउँसो पक्राउ गरिएको हो । पीडित महिलाको उजुरीका आधारमा इलाका प्रहरी कार्यालय गजुरीबाट खटिएको प्रहरी टोलीले उनलाई घटनास्थल छतिनटारबाटै नियन्त्रणमा लिएको थियो ।
जबरजस्ती करणी मुद्दामा पक्राउ परेका पोखरेलमाथि थप कानुनी कारबाही अघि बढाइएको छ । जिल्ला प्रहरी कार्यालय धादिङले घटनाबारे थप प्रमाण संकलन र अनुसन्धान भइरहेको जनाएको छ ।
यो घटनाले स्थानीय क्षेत्रमा त्रास फैलाएको छ । प्रहरीले पीडित महिलाको सुरक्षालाई ध्यान दिई अनुसन्धानलाई तीव्रता दिएको छ ।
प्रकाशित मिति: २६ चैत्र २०८२, बिहिबार
प्रतिक्रिया