काठमाडौं। काठमाडौं उपत्यकामा बितेको २४ घण्टामा सवारी नियम उल्लङ्घन गर्ने १ हजार ७१९ जना चालक ट्राफिक प्रहरीको कारबाही मा परेका छन् ।
काठमाडौं उपत्यका ट्राफिक प्रहरी कार्यालयका अनुसार मादक पदार्थ सेवन गरी सवारी चलाउने ११३ जना, यान्त्रिक अवस्था ठीक नभएका ३५ जना, सिग्नल बत्ती उल्लङ्घन गर्ने १०२ जना र तीव्र गतिमा सवारी चलाउने ९३ जना चालकलाई ट्राफिक प्रहरीको कारबाही गरिएको छ ।
त्यस्तै, लेन अनुशासन पालना नगर्ने १७९ जना, सार्वजनिक सवारी साधन असुरक्षित रूपमा सञ्चालन गर्ने ३८ जना, अनावश्यक हर्न बजाउने ४६ जना र निर्धारित स्थानमा यात्रु चढाउने/ओराल्ने नियम उल्लङ्घन गर्ने २० जना चालक पनि कारबाहीमा परेका छन् ।
अन्य विभिन्न ट्राफिक नियम उल्लङ्घन गर्ने १ हजार ९३ जना समेत कारबाहीमा परेका छन् ।
ट्राफिक प्रहरीले कारबाहीबाट कुल ११ लाख ८४ हजार ५०० रुपैयाँ राजस्व संकलन गरी राज्यकोषमा दाखिला गरेको जनाएको छ ।
यो तथ्यांकले काठमाडौं उपत्यकामा ट्राफिक नियम पालना नगर्ने चालकहरूको संख्या अझै उच्च रहेको देखाएको छ ।
प्रकाशित मिति: २८ चैत्र २०८२, शनिबार
प्रतिक्रिया