काठमाडौं । नेपाल कम्युनिस्ट पार्टी (एमाले)का सचिव महेश बस्नेतले नयाँ वर्ष २०८३ को अवसरमा सम्पूर्ण नेपालीलाई शुभकामना व्यक्त गरेका छन्।
सामाजिक सञ्जालमार्फत सन्देश जारी गर्दै उनले नयाँ वर्षले सबैको जीवनमा सुख, शान्ति, समृद्धि र सफलताका थुप्रै अवसर तथा खुसीहरू ल्याओस् भन्ने कामना गरेका हुन्।
उनले विगत वर्षका दुःख, पीडा र निराशालाई पुरानै वर्षसँगै बिदाइ गर्न आग्रह गर्दै सकारात्मक उपलब्धिहरूलाई संरक्षण गर्दै अगाडि बढ्नुपर्नेमा जोड दिएका छन्।
बस्नेतले नयाँ वर्षले प्रत्येक व्यक्तिको जीवनमा आशा, उत्साह र प्रगतिका नयाँ सम्भावना सिर्जना गरोस् भन्ने शुभेच्छा समेत व्यक्त गरेका छन्।
प्रकाशित मिति: १ बैशाख २०८३, मंगलबार
प्रतिक्रिया