काठमाडौ । पृथ्वीराजमार्गअन्तर्गत तनहुँको बन्दीपुर गाउँपालिका–४ विमलनगरमा ट्रकको ठक्करबाट बिहीबार एक जनाको ज्यान गएको छ। जिल्ला प्रहरी कार्यालय तनहुँका अनुसार मृत्यु हुनेमा गोरखा निवासी ६१ वर्षीय खुदबहादुर थापा रहेका छन्।
दमौलीबाट आँबुखैरेनीतर्फ गइरहेको प्र३–०१–००३क ४८९८ नम्बरको ग्यास सिलिन्डर बोकेको ट्रकले सडक काट्ने क्रममा उनलाई ठक्कर दिएको थियो। गम्भीर घाइते भएका थापालाई उपचारका लागि प्रदेश अस्पताल दमौली लगिएकोमा चिकित्सकले साँझ ५ः४८ बजे मृत घोषणा गरेका थिए। प्रहरी नायब उपरीक्षक श्रवणकुमार विकले घटनाबारे जानकारी दिएका हुन्।
प्रकाशित मिति: ४ बैशाख २०८३, शुक्रबार
प्रतिक्रिया