काठमाडौं । सल्यानमा जन्ती बोकेको जिप दुर्घटना हुँदा तीन जनाको घटनास्थलमै मृत्यु भएको छ भने १८ जना घाइते भएका छन्।
शनिबार साँझ बनगाड कुपिण्डे नगरपालिका क्षेत्रमा उक्त जिप दुर्घटना भएको जिल्ला प्रहरी कार्यालयले जनाएको छ।
जिल्ला प्रहरी कार्यालयका प्रमुख हेमबहादुर केसीका अनुसार मृतकहरूको पहिचान खुल्न सकेको छैन। बनगाड कुपिण्डे–८ थाराबाट लक्ष्मीपुरतर्फ जाँदै गरेको जिप वडा नम्बर–१० धाइरेमा दुर्घटनामा परेको हो।
प्रहरीका अनुसार घाइतेमध्ये तीन जनाको अवस्था गम्भीर रहेको छ। घटनाबारे थप विवरण संकलन भइरहेको बताइएको छ।
प्रकाशित मिति: ६ बैशाख २०८३, आइतबार
प्रतिक्रिया