काठमाडौँ । दक्षिण तथा मध्य एसिया मामिला हेर्ने अमेरिकी सहायक विदेश मन्त्री समीर पल कपुरले नेपालका उद्योगीहरूसँग छलफल गरेका छन्।
सोमबार नेपाल आइपुगेका उनले विभिन्न उद्योगी संघ–संस्थाका प्रतिनिधिहरूसँग भेटघाट तथा छलफल गरेका हुन्।
परराष्ट्र मन्त्रालयका अनुसार उक्त छलफलमा नेपालको सूचना प्रविधि क्षेत्रमा अमेरिकी व्यापारिक अवसर विस्तार गर्ने विषयमा विशेष जोड दिइएको थियो।
त्यसैगरी, डिजिटल पूर्वाधारको विकास, कृत्रिम बुद्धिमत्ता (एआई), साइबर सुरक्षा तथा अमेरिकी प्रविधि सीप आदान–प्रदान गर्ने उपायहरूबारे पनि विचार विमर्श गरिएको जनाइएको छ।
प्रकाशित मिति: ७ बैशाख २०८३, सोमबार
प्रतिक्रिया