काठमाडौं । संयुक्त राष्ट्रिय सुकुम्बासी मोर्चाले चार बुँदे माग प्रस्तुत गर्दै सत्तारूढ दल राष्ट्रिय स्वतन्त्र पार्टीका सभापति रवि लामिछानेको ध्यानाकर्षण गराएको छ।
मोर्चाका महासचिव अर्जुन कुँवरले सरकारद्वारा भूमिहीन तथा सुकुम्बासी बस्तीलाई जबर्जस्ती विस्थापन गर्ने तयारीप्रति गम्भीर आपत्ति जनाउँदै उक्त कदम तत्काल रोक्न आग्रह गरेका छन्।
सुकुम्बासी मोर्चाले जारी गरेको मागपत्रमा जबर्जस्ती हटाउने सूचना तुरुन्त फिर्ता लिन, राष्ट्रिय भूमि समस्या समाधान आयोगको कार्य प्रक्रिया प्रभावकारी रूपमा कार्यान्वयन गर्न, विगतमा भएका त्रुटिपूर्ण प्रमाणीकरण र व्यवस्थापन सच्याउन तथा सरकारको १०० दिने कार्यसूचीको ९१औँ बुँदाअनुसार प्रक्रिया अघि बढाउन माग गरिएको छ।
त्यसैगरी, भूमि र आवासको अधिकारलाई नागरिकको मौलिक तथा संवैधानिक अधिकारका रूपमा सुनिश्चित गर्न पनि मोर्चाले जोड दिएको छ।
यसैबीच, प्रधानमन्त्री बालेन शाहको निर्देशनमा भोलिदेखि सुकुम्बासी बस्तीमा डोजर परिचालन गर्ने तयारी भइरहेको जनाइएको छ।
प्रकाशित मिति: ११ बैशाख २०८३, शुक्रबार
प्रतिक्रिया