काठमाडौं । नेपाल प्रहरीको विभिन्न चरणका परीक्षामा उत्तीर्ण गराई जागिर लगाइदिने भन्दै रकम ठगी गरेको आरोपमा एक जना पक्राउ परेका छन्।
पक्राउ पर्नेमा सुर्खेत जिल्ला भेरीगंगा नगरपालिका–१ गुराँसेका ३० वर्षीय लक्ष्मण बिक रहेका छन्। उनले विभिन्न व्यक्तिहरूलाई प्रहरीमा भर्ना गराइदिने आश्वासन दिँदै रकम माग गरी ठगी गरेको प्रहरीले जनाएको छ।
जिल्ला प्रहरी कार्यालय बाँकेका सूचना अधिकारी एवं प्रहरी नायब उपरीक्षक दीपक पातलीका अनुसार उनलाई इलाका प्रहरी कार्यालय कोहलपुरबाट खटिएको प्रहरी टोलीले पक्राउ गरेको हो।
पक्राउ परेका विकमाथि थप अनुसन्धान तथा कानुनी कारबाहीका लागि बाँके जिल्ला अदालतबाट ठगी मुद्दामा पाँच दिनको म्याद थप गरिएको छ।
प्रकाशित मिति: ५ जेष्ठ २०८३, मंगलबार
प्रतिक्रिया