काठमाडौं । मेडिकल व्यवसायी दुर्गा प्रसाईं सम्बन्धी बन्दीप्रत्यक्षीकरण रिटमा सर्वोच्च अदालतमा सुनुवाइ सम्पन्न भएको छ।
न्यायाधीश महेश शर्मा पौडेलको एकल इजलासमा प्रसाईं पक्षका कानुन व्यवसायीहरूको बहस सकिएपछि आदेश तयारीको चरणमा पुगेको अदालतले जनाएको छ।
प्रसाईंलाई सोमबार (जेठ ४) वीरगञ्ज स्थित दियालो होटलबाट पक्राउ गरिएको थियो। जिल्ला प्रहरी कार्यालय पर्साले उनलाई नियन्त्रणमा लिएर हाल हिरासतमा राखेको छ।
उनको रिहाइको माग गर्दै अधिवक्ता आशिष लुइटेलले बुधबार (जेठ ५) सर्वोच्च अदालतमा बन्दीप्रत्यक्षीकरण रिट दायर गरेका थिए। रिटमा प्रसाईंलाई आधार र कारणबिना गैरकानुनी रूपमा थुनामा राखिएको दाबी गरिएको छ।
प्रसाईं ‘राष्ट्र, राष्ट्रियता, धर्म, संस्कृति र नागरिक बचाऊ महाअभियान नेपाल’ का संयोजक समेत हुन्।
प्रकाशित मिति: ६ जेष्ठ २०८३, बुधबार
प्रतिक्रिया