काठमाडौँ । सञ्चार तथा सूचना प्रविधिमन्त्री ज्ञानेन्द्रबहादुर कार्कीले फेरि शेरबहादुर देउवाकै नेतृत्वमा सरकार बन्ने बताएका छन् ।
बिहीबार सुनसरी-४ बाट निर्वाचित भएपछि पत्रकारहरूसँग कुरा गर्दै उनले काँग्रेस नेतृत्वकै गठबन्धनको सरकार बन्ने र शेरबहादुर देउवा नै प्रधानमन्त्री बन्ने बताएका हुन् ।
उनले मतदाताले आफूमाथि विश्वास गरेकोमा धन्यवाद दिए । मन्त्री कार्कीले एमाले उम्मेदवार जगदीश कुसियैतलाई ११२ को झिनो मतान्तले पराजित गरेका छन् । उनले आफ्नो चुनाव क्षेत्रमा गरेको कामको आधारमा मतदाताले विश्वास लिएको बताए ।
‘मैले धेरै काम गरेको छु । त्यसैको आधारमा विजय गराउनुभएको छ’ मन्त्री कार्कीले भने । विजयपछि पनि उनले मतदातासँग यस क्षेत्रमा गर्नुपर्ने कामको विषयमा सुझाव लिने बताए ।
प्रकाशित मिति: १५ मंसिर २०७९, बिहिबार
प्रतिक्रिया