काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछाने नियमित तारिखका लागि बुधबार काठमाडौं जिल्ला अदालतमा उपस्थित भएका छन् ।
कालीमाटीस्थित स्वर्णलक्ष्मी सहकारीको बचत रकम अपचलनसम्बन्धी मुद्दामा तारिख बुझ्न उनी आफ्ना सहयोगीसहित अदालत पुगेका हुन् । उक्त मुद्दा हाल अदालतमा विचाराधीन छ ।
स्वर्णलक्ष्मी सहकारी ठगी प्रकरणमा यसअघि अदालतले लामिछानेलाई ६० लाख रुपैयाँ धरौटीमा रिहा गर्न आदेश दिएको थियो । त्यसयता उनी नियमित रूपमा अदालतमा हाजिर हुँदै आएका छन् ।
काठमाडौं जिल्ला अदालतका सूचना अधिकारी शिव खतिवडाका अनुसार लामिछानेको अर्को तारिख असार ११ गतेका लागि तोकिएको छ ।
प्रकाशित मिति: १३ जेष्ठ २०८३, बुधबार
प्रतिक्रिया