काठमाडौं । प्रतिनिधिसभा बैठकमा राष्ट्रिय स्वतन्त्र पार्टी (रास्वपा) की सांसद आशिका तामाङ असन्तुष्ट र उत्तेजित मुद्रामा प्रस्तुत भएपछि आफ्नै पार्टीका सांसदहरूले उनलाई बैठक कक्ष बाहिर लगेका छन् ।
प्रधानमन्त्री बालेन्द्र शाहले आकस्मिक रूपमा सांसदहरूले उठाएका प्रश्नको जवाफ दिएर बैठकबाट बाहिरिएपछि विपक्षी दलका सांसदहरूले नियमापत्ति सम्बन्धी विषय उठाइरहेका बेला सांसद तामाङ आक्रोशित देखिएकी थिइन् ।
त्यस क्रममा उनी आफ्नो सिटबाट उठेर अगाडिको लहरतर्फ अघि बढेपछि रास्वपाकै सांसदहरूले उनलाई रोकेका थिए । सो क्रममा रञ्जु दर्शनासहित ज्वाला संग्रौला र भूमिका श्रेष्ठले उनको हात समातेर रोक्ने प्रयास गरेका थिए ।
तर स्थिति शान्त नभएपछि रञ्जु दर्शन र ज्वाला संग्रौलाले उनलाई बैठक कक्ष बाहिर लिएर गएका हुन् ।
प्रकाशित मिति: १७ जेष्ठ २०८३, आइतबार
प्रतिक्रिया