काठमाडौं । राष्ट्रिय सद्भावना पार्टी नेपाली कांग्रेसमा समाहित भएको छ ।
आइतबार नेपाली कांग्रेसको केन्द्रीय कार्यालय सानेपा ललितपुरमा आयोजित कार्यक्रममा दुवै पक्षबीच एकीकरणसम्बन्धी सम्झौतापत्रमा हस्ताक्षर गरिएको हो ।
सम्झौतामा नेपाली कांग्रेस का नेता गगन थापा र राष्ट्रिय सद्भावना पार्टीका अध्यक्ष अनिल झाबीच औपचारिक सहमति भएको बताइएको छ ।
झा यसअघि फागुन २१ गते भएको निर्वाचनमा रौतहट–१ बाट नेपाली कांग्रेसको तर्फबाट उम्मेदवारसमेत बनेका थिए ।
समायोजन तथा एकीकरण कार्यक्रममा कांग्रेसका नेताहरू, जसमा गगन थापा र महामन्त्री प्रदीप पौडेल लगायत सहभागी थिए । राष्ट्रिय सद्भावना पार्टी को औपचारिक समायोजनपछि संगठन अब कांग्रेसमा विलय भएको हो ।
प्रकाशित मिति: १७ जेष्ठ २०८३, आइतबार
प्रतिक्रिया