काठमाडौं । गृह मन्त्रालयले देशका १६ जिल्लामा प्रमुख जिल्ला अधिकारी (सीडीओ)हरूको सरुवा तथा पदस्थापन गरेको छ। गृहमन्त्रीस्तरीय निर्णयअनुसार विभिन्न जिल्लामा कार्यरत सीडीओहरूलाई नयाँ जिम्मेवारी दिँदै प्रशासनिक पुनर्संरचना गरिएको हो।
मन्त्रालयका अनुसार जिल्लास्तरीय प्रशासनिक कार्यसम्पादनलाई थप प्रभावकारी र चुस्त बनाउन सरुवाको निर्णय गरिएको हो। सरुवाअन्तर्गत सम्बन्धित जिल्लाहरूमा नयाँ प्रमुख जिल्ला अधिकारीहरूको पदस्थापन गरिएको छ भने केही अधिकारीहरूलाई अन्य जिम्मेवारीमा खटाइएको छ।
यससँगै गृह मन्त्रालयले आफ्नो मातहतका दुई विभागमा समेत सहसचिवहरूको जिम्मेवारी हेरफेर गरेको छ। मन्त्रालयले प्रशासनिक आवश्यकता र कार्यक्षमता अभिवृद्धिलाई ध्यानमा राख्दै सहसचिवहरूको नयाँ पदस्थापन गरेको जनाएको छ।
सरुवा तथा पदस्थापनसम्बन्धी विस्तृत विवरण भने मन्त्रालयले छुट्टै सूचीमार्फत सार्वजनिक गर्ने तयारी गरेको छ।
गृह मन्त्रालयले समयानुकूल प्रशासनिक नेतृत्व व्यवस्थापन तथा सेवा प्रवाहलाई प्रभावकारी बनाउन नियमित रूपमा कर्मचारी व्यवस्थापन र जिम्मेवारी हेरफेर गर्दै आएको छ।
प्रकाशित मिति: २२ जेष्ठ २०८३, शुक्रबार
प्रतिक्रिया