काठमाडौं । प्रधानमन्त्री वालेन्द्र शाह ‘बालेन’ले आफूलाई पनि राजदूत बन्ने इच्छा भएको भन्दै सामाजिक सञ्जालमार्फत व्यङ्ग्य गरेका छन्।
आइतबार राति फेसबुकमा उनले लेखेका छन्, “मलाई पनि राजदूत बन्न मन छ । प्रधानमन्त्रीको नम्बर छ भने यसो दिनुस् न ।”
बालेनको उक्त स्टाटसमा टिप्पणी गर्दै सरकारका प्रवक्तासमेत रहेका शिक्षामन्त्री सस्मित पोखरेलले “म्यासेज गर्दिम् ?” भनेर प्रतिक्रिया दिएका छन्।
प्रधानमन्त्री र मन्त्रीबीचको यो संवाद सामाजिक सञ्जालमा चर्चाको विषय बनेको छ। कतिपय प्रयोगकर्ताले यसलाई राजनीतिक व्यङ्ग्यका रूपमा लिएका छन् भने केहीले प्रधानमन्त्रीको अकाउन्टको वास्तविकतामाथि समेत प्रश्न उठाएका छन्।
हालै एक सचिवले राजदूत बन्ने चाहना व्यक्त गर्दै प्रधानमन्त्रीलाई सन्देश पठाएको विषय सार्वजनिक भएपछि उनी प्रहरीको सोधपुछमा परेका थिए। बालेनको पछिल्लो टिप्पणी सोही घटनाप्रति लक्षित व्यङ्ग्य भएको अनुमान गरिएको छ।
प्रकाशित मिति: २४ जेष्ठ २०८३, आइतबार
प्रतिक्रिया