धनगढी। नेकपा एमालेका अध्यक्ष केपी शर्मा ओली ले सुदूरपश्चिम प्रदेश सरकारमा रहेका मन्त्री फेरबदल नगर्न निर्देशन दिएपछि आन्तरिक असन्तुष्टि बढेको छ ।
असन्तुष्ट समूहले सोमबार धनगढीस्थित एमाले संसदीय दलको कार्यालयमा नाराबाजी, तोडफोड र तालाबन्दी गरेका छन् ।
नाराबाजीकर्ताहरूले संसदीय दलका नेता राजेन्द्रसिंह रावलको विरुद्ध नारा लगाएका छन् ।
संसदीय दलको बैठक बसिरहेको बेला अध्यक्ष ओलीले संसदीय दलका नेता रावलसँग टेलिफोनमा कुराकानी गर्दै तत्काल मन्त्री नफेर्न निर्देशन दिएका थिए ।
उक्त निर्देशनपछि असन्तुष्ट कार्यकर्ताहरूले कार्यालयमा तोडफोड गर्दै तालाबन्दी गरेका हुन् ।
यो घटनाले एमाले सुदूरपश्चिम प्रदेशभित्रको आन्तरिक कलह बढ्दै गएको देखाएको छ ।
प्रकाशित मिति: २५ जेष्ठ २०८३, सोमबार
प्रतिक्रिया