धनगढी। सुदूरपश्चिम प्रदेशसभा मा अहिलेसम्म ३३ जना सांसद मन्त्री भइसकेका छन् ।
प्रदेशसभामा स्पष्ट बहुमत नभएकाले बारम्बार सरकार परिवर्तन हुँदै आएको छ । यसले गर्दा धेरै सांसदहरूलाई मन्त्री बन्ने अवसर मिलेको छ ।
प्रदेशसभा ५३ सदस्यीयबाट घटेर ५२ सदस्यीय भएको छ । डडेल्धुराबाट निर्वाचित स्वतन्त्र सांसद डा. ताराप्रसाद जोशी राजीनामा दिएर प्रतिनिधिसभा सदस्य निर्वाचित भएका छन् ।
नेकपा एमालेका पूर्वमुख्यमन्त्री दीर्घ सोडारी निलम्बनमा छन् ।
हाल प्रदेशसभामा नेपाली कांग्रेस र नेकपा एमालेको संयुक्त सरकार छ । सरकारको नेतृत्व कांग्रेसका कमलबहादुर शाहले गरिरहेका छन् ।
कांग्रेसबाट १३ जना मन्त्री
नेपाली कांग्रेसका १८ सांसदमध्ये १३ जनाले मन्त्री पद पाइसकेका छन् । मुख्यमन्त्री कमलबहादुर शाहसहित बहादुरसिंह थापा, प्रकाशबहादुर देउवा, मेघराज खड्का, शिवराज भट्ट, विक्रमसिंह धामी, मानबहादुर रावल, बेलबहादुर राना मगरलगायतले मन्त्री बन्ने अवसर पाएका छन् ।
एमालेबाट ६ जना मन्त्री
एमालेका ११ सांसदमध्ये ६ जनाले मन्त्री पद सम्हालिसकेका छन् । हाल सुरेन्द्रबहादुर पाल, हिरासिंह सार्की, बिरबहादुर थापा मन्त्री छन् भने निर्मलादेवी साउँद राज्यमन्त्री छिन् ।
राप्रपा बाहेक सबै दल सरकारमा सहभागी भइसकेको अवस्था छ ।
प्रकाशित मिति: २७ जेष्ठ २०८३, बुधबार
प्रतिक्रिया