काठमाडौं । सशस्त्र प्रहरी बल नेपालले प्रवक्ता तथा सूचना अधिकारीको जिम्मेवारी सशस्त्र प्रहरी नायब महानिरीक्षक (डीआईजी) नेत्रबहादुर कार्कीलाई प्रदान गरेको छ।
यसअघि उक्त जिम्मेवारी सम्हाल्दै आएका डीआईजी विष्णुप्रसाद भट्टको सशस्त्र प्रहरी बल नेपाल नं. २ छिन्नमस्ता बाहिनी मुख्यालय, महोत्तरीमा सरुवा भएपछि कार्कीलाई प्रवक्ता तथा सूचना अधिकारीको जिम्मेवारी तोकिएको हो।
सशस्त्र प्रहरी बलका अनुसार संगठनका गतिविधि, नीति तथा निर्णयसम्बन्धी आधिकारिक सूचना प्रवाह गर्ने जिम्मेवारी अबदेखि डीआईजी कार्कीले निर्वाह गर्नेछन्।
प्रकाशित मिति: ३० जेष्ठ २०८३, शनिबार
प्रतिक्रिया