काठमाडौ । मध्यपूर्वमा जारी लामो युद्ध अन्त्य गर्न संयुक्त राज्य अमेरिका र इरानबीच आगामी २४ घण्टाभित्र शान्ति सम्झौता हुन सक्ने प्रमुख मध्यस्थकर्ता पाकिस्तानले दाबी गरेको छ।
पाकिस्तानका अनुसार हालसम्म भएका वार्ताहरूमा धेरै विषयमा सहमति नजिक पुगेको छ र सम्झौता अन्तिम चरणमा प्रवेश गरेको छ।
यसअघि युद्धविरामपछि पनि विभिन्न स्थानमा तनाव र झडप जारी रहेकाले शान्ति प्रक्रिया प्रभावित हुँदै आएको थियो।
पाकिस्तानी प्रधानमन्त्री शहबाज सरिफले सामाजिक सञ्जालमा लेख्दै पहिलेभन्दा धेरै विषयमा सहमति जुटेको र स्थायी शान्तिका लागि सम्झौता नजिक पुगेको बताएका छन्।
उनका अनुसार आगामी २४ घण्टाभित्र सम्झौता अन्तिम रूप लिन सक्ने अपेक्षा गरिएको छ र त्यसपछि प्राविधिक तहका वार्ता अघि बढाइनेछ।
प्रकाशित मिति: ३० जेष्ठ २०८३, शनिबार
प्रतिक्रिया