काठमाडौं । चितवनबाट अपहरण गरिएका बालकको काठमाडौंमा सकुशल उद्धार, ५ भारतीय पक्राउ
चितवनको नारायणगढबाट अपहरण गरिएका १६ वर्षीय बालकलाई काठमाडौंबाट सकुशल उद्धार गरिएको छ। उपत्यका अपराध अनुसन्धान कार्यालयको टोलीले बसपार्कस्थित एक होटलबाट बालकको उद्धार गरेको हो।
प्रहरीका अनुसार ५/६ जनाको समूहले भारतीय नम्बर प्लेटको गाडीमा राखेर बालकलाई अपहरण गरी काठमाडौं ल्याएको थियो। परिवारसँग फिरौती मागिएको सूचनापछि प्रहरीले खोजी अभियान सञ्चालन गरेको थियो।
घटनामा संलग्न ५ जना भारतीय नागरिक पक्राउ परेका छन्। उनीहरू सबै भारतको बिहार राज्यका स्थायी बासिन्दा रहेको प्रहरीले जनाएको छ। घटनाबारे थप अनुसन्धान भइरहेको छ।
प्रकाशित मिति: २ असार २०८३, मंगलबार
प्रतिक्रिया