काठमाडौं । सभामुख डोलप्रसाद अर्यालले सांसदहरूलाई जनतासँग निरन्तर संवादमा रहन आग्रह गर्दै संसद् र जनताबीचको सम्बन्ध बलियो भए लोकतन्त्र अझ उत्तरदायी, सहभागितामूलक र विश्वासयोग्य बन्ने बताएका छन्। उनले जनताका आवाज, अपेक्षा र सुझावलाई संसदीय प्रक्रियामा प्रभावकारी रूपमा प्रतिबिम्बित गर्नु प्रत्येक सांसदको प्रमुख दायित्व भएको उल्लेख गरे।
प्रतिनिधिसभाको अर्को बैठक साउन १४ गते बस्ने जानकारी दिँदै सभामुख अर्यालले त्यसअघिसम्म सांसदहरूले आफ्नो निर्वाचन क्षेत्रमा पुगेर जनताका गुनासा, सुझाव र सेवा प्रवाहप्रतिको प्रतिक्रिया संकलन गर्नुपर्ने बताए। उनले आगामी आर्थिक वर्षलाई ‘कानुन निर्माण तथा सुधार वर्ष’ बनाउने अभियानमा सांसदहरूको सक्रिय भूमिका आवश्यक रहेको पनि उल्लेख गरे।
प्रकाशित मिति: ३१ असार २०८३, बुधबार
प्रतिक्रिया