काठमाडौं । बागलुङको निसीखोला गाउँपालिका–३ की ३९ वर्षीया मीना सुनारको उपचारका लागि हेलिकप्टरमार्फत काठमाडौं ल्याउने क्रममा मृत्यु भएको छ।
बोहरागाउँ स्वास्थ्य चौकीमा शिशु जन्माएपछि स्वास्थ्य अवस्था जटिल बनेकी उनलाई पहिलो चरणमा बुर्तिबाङ अस्पताल लगिएको थियो। त्यहाँ उपचार सम्भव नभएपछि नेपाली सेनाको हेलिकप्टरमार्फत काठमाडौं रिफर गरिएकोमा पोखरा पुग्ने क्रममा उनको निधन भएको हो। घटनाबारे थप विवरण आउन बाँकी रहेको छ।
प्रकाशित मिति: ६ श्रावण २०८३, बुधबार
प्रतिक्रिया