प्रतिकूल मौसमका कारण आन्तरिक र अन्तर्राष्ट्रिय उडान प्रभावित
काठमाडौं । देशभरको प्रतिकूल मौसमका कारण आज (बिहीबार) त्रिभुवन अन्तर्राष्ट्रिय विमानस्थलमा हुने उडानहरू प्रभावित भएका छन्। बिहानदेखि दृश्यता (भिजिबिलिटी) कमजोर भएपछि आन्तरिक र अन्तर्राष्ट्रिय दुवै उडान अवरुद्ध भएका हुन्। विमानस्थल कार्यालयका अनुसार कतारको दोहाबाट काठमाडौं आउँदै गरेको नेपाल एयरलाइन्सको उडानलाई भारतको नयाँदिल्ली ‘डाइभर्ट’ गरिएको छ।
