रास्वपालाई बाबुरामको सुझाव– पुराना शक्तिसँगै लाग्दा नयाँहरूलाई नोक्सान गर्छ
काठमाडौं । नेपाल समाजवादी पार्टीका अध्यक्ष डा. बाबुराम भट्टराईले राष्ट्रिय स्वतन्त्र पार्टीलाई पुराना दलहरूसँग अधिक नजिक नहुन र सन्तुलित सम्बन्ध राख्न सुझाव दिएका छन्। बिहीबार रास्वपाको स्थापना दिवसको अवसरमा आयोजित चियापान समारोहमा सहभागी भट्टराईले पुराना दलसँगको सहकार्यलाई तत्कालको कार्यनीतिका रूपमा मात्रै लिन सुझाव दिएका हुन्।
