युरोपियन युनियनका राजदूतहरूले गरे प्रधानमन्त्री ओलीसँग शिष्टाचार भेट
काठमाडौं । प्रधानमन्त्री केपी शर्मा ओलीसँग युरोपियन युनियन (ईयू) को प्रतिनिधिमण्डलले आज प्रधानमन्त्री निवास, बालुवाटारमा शिष्टाचार भेटवार्ता गरेको छ। भेटका क्रममा नेपालका लागि युरोपियन युनियनकी राजदूत भेरोनिक लोरेन्जोको नेतृत्वमा काठमाडौंस्थित अन्य ईयू सदस्य राष्ट्रका राजदूतहरू तथा भारतको नयाँ दिल्लीमा कार्यरत गैह्रआवासीय राजदूतहरूको सहभागिता रहेको थियो।
