हुलाकी राजमार्ग बेवास्तामा, स्थानीयले गरे धान रोप्दै विरोध
सप्तरी । हुलाकी राजमार्गको जीर्ण अवस्थाप्रति विरोध जनाउँदै सप्तरीका स्थानीयवासीले राजमार्गमै धान रोपेका छन्। वर्षौंदेखि अधूरो र बिग्रिएको सडक तत्काल मर्मत गर्न माग गर्दै स्थानीयले अनौठो शैलीमा विरोध प्रदर्शन गरेका हुन्। सप्तरीको कञ्चनरुप नगरपालिका क्षेत्रअन्तर्गत पर्ने खण्डमा स्थानीयले सोमबार राजमार्गको बीच भागमै रोपाइँ गरेका थिए।
