काठमाडौं । रवि लामिछानेको नेतृत्वमा खोलिएको राष्ट्रिय स्वतन्त्र पार्टीले घण्टी चुनाव चिन्ह नपाउने भएको छ। पार्टीको नाम नै फेर्न दवाव झेलिरहेका लामिछानेले रोजेको घण्टी चिन्ह यसअघि नै दर्ता भएको पाइएको हो ।
उनले रोजेको चिन्ह घण्टी राष्ट्रवादी पार्टीको चुनाव चिन्हका रुपमा यसअघि नै आयोगमा दर्ता भइसकेको छ । २०७३ साल मंसिर ३० गते आयोगमा दर्ता भएको सो पार्टीको कार्यालय नारायण गोपाल मार्ग काठमाडौं रहेको छ। 
उक्त राष्ट्रवादी पार्टीका केन्द्रीय संयोजक सहजाद मियाँ भिकरानी रहेका छन्। निर्वाचन आयोगकाअनुसार कुनै एउटा दलको नाममा दर्ता भएको चुनाव चिन्ह अर्को दलले पाउन सक्दैन।
प्रकाशित मिति: १५ असार २०७९, बुधबार
प्रतिक्रिया