काठमाडौं । नेकपा एमाले निकट युवाहरुको संगठन युवा संघ नेपालले राष्ट्रपति विद्यादेवी भण्डारीको समर्थनमा काठमाडौंको बानेश्वर-माइतीघर सडकखण्डमा प्रदर्शन गरेको छ।
प्रदर्शनपछिको सभामा सम्बोधन गर्दै एमाले नेता महेश बस्नेतसहित युवा संघका नेताहरुले राष्ट्रपतिले नागरिकता विधेयक प्रमाणीकरण नगरेर देश जोगाएको दाबी गरे ।
संसदले दोश्रो पटक पारित गरेर पठाएको नागरिकता विधेयक प्रमाणीकरण नगरी १५ दिन बिताएर राष्ट्रपति भण्डारीले संविधानको उल्लंघन गरेको भन्दै सत्तारुढ दलहरुले आलोचना गरिरहेका छन्।
तर एमाले निकट संघ संगठनले भने विधेयक प्रमाणीकरण नगरेर राम्रो काम गरेको भन्दै राष्ट्रपति भण्डारीको समर्थन गर्दै उनको तस्वीर बोकेर प्रदर्शन गरेका छन् ।
प्रकाशित मिति: ५ आश्विन २०७९, बुधबार
प्रतिक्रिया