काठमाडौँ । समानुपातिक सांसद सूचीको विषयमा राप्रपामा विवाद देखिएको छ ।
प्रतिनिधिसभातर्फ २ जना पुरुष कोटामध्ये प्रकाशचन्द्र लोहनी कि बुद्धिमान तामाङलाई लैजाने भन्नेमा विवाद देखिएको हो । दुवैले आफ्नो अडान नछाड्दा अहिलेसम्म निर्णय हुन सकेको छैन ।
एक नेताका अनुसार पार्टी कार्यालयमा दुबैमा समर्थकका साथै अरू आकाङ्क्षीहरू भेला भएर होहल्ला गरेका छन् । पार्टी कार्यालयमा सयौँको सङ्ख्यामा भेला भएको ती नेताको भनाइ छ ।
अहिले अध्यक्ष राजेन्द्र लिङ्देनले कार्यसम्पादन समितिका नेताहरूलाई एकएक गरेर बोलाउँदै राय लिइरहेका छन् ।
पुरुषतर्फ अर्को सिटमा भने पशुपति शमशेर राणाको नाम टुङ्गो लागिसकेको प्रवक्ता मोहन श्रेष्ठले बताए ।
प्रकाशित मिति: २४ मंसिर २०७९, शनिबार
प्रतिक्रिया