काठमाडौँ । राष्ट्रिय स्वतन्त्र पार्टीले वैशाख १० गते हुने उपनिर्वाचनमा सो पार्टीका सभापति रवि लामिछानेलाई उम्मेदवार बनाउने तयारी गरेको छ ।
यसअघि पत्रकार सम्मेलनमा पनि सो पार्टीका सभापति लामिछानेले छिटो निर्वाचनको मिति घोषणा गर्न माग गरेका थिए ।
रास्वपाका केन्द्रीय सदस्य दीपक बोहोराले दिएको जानकारीअनुसार उपनिर्वाचनमा पनि लामिछाने नै उम्मेदवार बन्नेछन् ।
यसअघि भएको निर्वाचनमा उनी सोही निर्वाचन क्षेत्रबाटै उम्मेदवार बनेका थिए ।
उनले अमेरिकाको नागरिकता लिएको समयमा नेपालको नागरिकता त्याग नगरेको र पछि सोही आधारमा चुनाव लडेको भन्दै सर्वोच्च अदालतले उनलाई अयोग्य ठहर गरेपछि उपनिर्वाचन हुन लागेको हो ।
उपनिर्वाचनमा पनि लामिछाने नै उम्मेदवार बन्ने बोहराको प्रतिक्रिया छ ।
प्रकाशित मिति: २९ माघ २०७९, आइतबार
प्रतिक्रिया