काठमाडौं । नक्कली शरणार्थी प्रकरणमा मुछिएर पुर्पक्षका लागि कारागारमा रहेका नेपाली कांग्रेसका नेता बालकृष्ण खाँण र एमाले नेता टोपबहादुर रायमाझी उच्च अदालत पाटन पुगेका छन् ।
आफूहरूलाई थुनामा राख्ने जिल्ला अदालतको आदेशविरुद्ध नेता खाँण र रायमाझीलगायत आरोपितहरू उच्च अदालत पुगेका हुन् ।
थुनछेक आदेशविरुद्ध उनीहरूको कैफियत निवेदन दर्ता भएको उच्च अदालत पाटनकी प्रवक्ता मन्दीरा शाहीले जानकारी दिइन् ।
आफूहरू थुनामुक्त गर्ने आदेश माग उनीहरूले गरेका छन् ।
यसअघि जिल्ला अदालत काठमाडौंले गत असार १ गते उनीहरूलाई पुर्पक्षका लागि थुनामा पठाउने आदेश दिएको थियो।
प्रकाशित मिति: १६ श्रावण २०८०, मंगलबार
प्रतिक्रिया