काठमाडौँ । नेकपा एमालेका अध्यक्ष केपी शर्मा ओलीले एमालेको सरकार षड्यन्त्रपूर्वक हटाइएपछि देशको राष्ट्रियता र देशको स्वाधीनता कमजोर भएको दाबी गरेका छन् ।
मध्यपहाडी राजमार्ग यात्रासँगै एमालेले सञ्चालन गरेको झुलाघाटदेखि चिवाभञ्ज्याङसम्मको ‘समृद्धिका लागि सङ्कल्प यात्रा’ का क्रममा दैलेखको राकम कर्णालीमा आयोजित आमसभामा अध्यक्ष ओलीले एमालेको एकल सरकार नबने देशको राष्ट्रियता कमजोर हुने टिप्पणी गरे ।
उनले भने, ‘एमालेको सरकारलाई षड्यन्त्रपूर्वक हटाइयो । एमाले नेतृत्वको सरकार ढलेपछि राजनीतिक रूपमा देशमा अस्थिरता छायो, अराजकता छायो, अनेक प्रकारका खराबी छाए, अर्थतन्त्र चौपट भयो, गरिबी बढ्यो । एमालेको एकल बहुमतको सरकार नबने देशको राष्ट्रियता कमजोर हुन्छ, देशको स्वाधीनता अर्थहीन भएर गइरहेको छ, त्यो झन् कमजोर हुन्छ, स्वतन्त्रता कमजोर हुन्छ, भूमि फिर्ता आउँदैन, झन् मिचिने सम्भावना हुन्छ । आउँदो चार वर्षपछि एमालेको एकल बहुमतको सरकार बन्ने ओलीले दाबी गरे ।
अध्यक्ष ओलीले राकम कर्णालीलाई नयाँ सहर बनाउने घोषणा अनुसार काम भइरहेको बताए । मध्यपहाडी राजमार्ग खुलेपछि पहाडी र दुर्गम गाउँ सुगम बन्दै गएको उनको भनाइ छ ।
प्रकाशित मिति: १८ मंसिर २०८०, सोमबार
प्रतिक्रिया