काठमाडौं । नेपालमा डिजिटल भुक्तानी गर्दै आएको पे वेलका प्रमुख कार्यकारी अधिकृत (सिइओ) सत्यन्द्र श्रेष्ठलाई प्रहरीले पक्राउ गरेको छ।
उपत्यका अपराध अनुसन्धान कार्यालयका प्रवक्ता रविन्द्र रेग्मीका अनुसार सत्यन्द्रलाई काठमाडौंको अनामनगरबाट पक्राउ गरिएको हो।
विसं २०७७ सालमा स्थापना भएको पे वेलले नेपालमा डिजिटल भुक्तानीमा चर्चा पाएको थियो। प्रहरीका अनुसार ३९ वर्षीय सीइओ श्रेष्ठले क्यानडा पठाउने भन्दै जानुका निरौलालगायतबाट ६८ लाख २० हजार उठाएका थिए।
उनलाई थप अनुसन्धानका लागि वैदेशिक रोजगार विभागमा पठाइएको छ।
प्रकाशित मिति: १२ बैशाख २०८१, बुधबार
प्रतिक्रिया