काठमाडौं । अभिनेत्री अरुणिमा लम्साल र उनका श्रीमान् युवराज श्रेष्ठबीच सम्बन्ध राम्रो नभएको चर्चा सुरु भएको छ। अरुणिमाले सामाजिक सञ्जालबाट श्रीमानसँगका तस्बिर र भिडियोहरू हटाएपछि यो चर्चा झन् बलियो बनेको हो।
गत भदौमा सुनसरीको चतारा स्थायी घर भएका युवराजसँग विवाह गरेकी अरुणिमाले हालै फेसबुकबाट श्रीमानसँगका तस्बिर हटाएकी छिन्। विवाहपश्चात् उनले सामाजिक सञ्जालमा थुप्रै तस्बिर र भिडियोहरू राखेकी थिइन्, तर अहिले ती सामग्रीहरू देखिँदैनन्। इन्स्टाग्राममा समेत दुवैले एकअर्कालाई फलो गरेको देखिन्न।
एक अन्तरवार्तामा अरुणिमा र युवराजले मागी विवाह गरेको खुलाएका थिए। नेपाल घुम्न आएकी बेला आफन्तमार्फत युवराजसँग चिनजान भएको र १५ दिनमै विवाह भएको उनीहरूले बताएका थिए।
हाल अरुणिमा अमेरिका बस्दै आएकी छिन् भने उनका श्रीमान् युवराज नेपालमै छन्। अरुणिमाले श्रीमानसँगका तस्बिर हटाए पनि युवराजले भने हटाएका छैनन्। उनको फेसबुक प्रोफाइलमा अहिले पनि विवाहका तस्बिरहरू देख्न सकिन्छ।
प्रकाशित मिति: २० माघ २०८१, आइतबार
प्रतिक्रिया