काठमाडौँ । नेपाल समाजवादी पार्टी (नयाँ शक्ति)मा ९ जना केन्द्रीय सदस्य थपिएका छन्। आइतबार अध्यक्ष बाबुराम भट्टराईले ९ जनालाई केन्द्रीय समितिमा मनोनीत गरेका हुन् ।
केन्द्रीय सदस्यको १० प्रतिशत मानोनित गर्ने व्यवस्था बमोजिम भट्टराईले ९ जना केन्द्रीय सदस्य मनोनीत गरेको हो। ११ पदाधिकारी र ९० सदस्य प्रत्यक्ष निर्वाचन प्रक्रियाबाट निर्वाचित भइसकेका छन् ।
मनोनीत हुने केन्द्रीय सदस्यहरूमा सिर्जना रिजाल, सरस्वती पाण्डे, कृष्ण शर्मा, राजु नेपाली, धनबहादुर गुरुङ, एकबहादुर राना, जेकेन्द्र श्रेष्ठ, जीएस गुरुङ र चिनक कुर्मी रहेका छन् ।
सदस्यमा मनोनीत हुने जेकेन्द्र अध्यक्ष बाबुराम भट्टराईका ज्वाईं हुन् । बाबुरामकी छोरी मानुषी भने यसअघि नै उपाध्यक्षमा निर्वाचित भएकी छन् ।
प्रकाशित मिति: १२ फाल्गुन २०८१, सोमबार
प्रतिक्रिया