काठमाडौं । राष्ट्रिय प्रजातन्त्र पार्टी (राप्रपा) का महामन्त्री धवलशमशेर जबरा हाजिर जमानीको शर्तमा रिहा भएका छन्। जिल्ला प्रहरी परिसर काठमाडौंका प्रमुख एसएसपी विश्व अधिकारीका अनुसार, बोलाइएको समयमा उपस्थित हुने सर्तमा उनलाई हाजिर जमानीमा रिहा गरिएको हो।
चैत १५ गते तीनकुने क्षेत्रमा अवाञ्छित गतिविधिमा संलग्न रहेको आरोपमा प्रहरीले उनलाई पक्राउ गरेको थियो। क्यान्सरको उपचारका लागि भारत जानुपर्ने कारण देखाउँदै उनलाई रिहा गरिएको एसएसपी अधिकारीले जानकारी दिए।
“स्वास्थ्य उपचारको आवश्यकताका कारण उहाँलाई हाजिर जमानीमा छोडिएको हो,” अधिकारीले भने। साथै, जबराको जिम्मेवारी उनकी श्रीमतीले लिएको प्रहरीले जनाएको छ।
प्रकाशित मिति: ८ बैशाख २०८२, सोमबार
प्रतिक्रिया