धनुषा । धनुषा जिल्लाको शहीदनगर नगरपालिका–५ बासुदेवपट्टीमा विष सेवनको दुखद घटनामा तीन सन्तानको ज्यान गएपछि उपचाररत आमा पविताकुमारी साहको पनि निधन भएको छ।
३० वर्षीया पविताकुमारी साहको आज बिहान जनकपुरधामस्थित रामजानकी अस्पतालमा उपचारको क्रममा निधन भएको धनुषा प्रहरीले जनाएको छ। प्रहरी प्रवक्ता डिएसपी वरुणबहादुर सिंहका अनुसार, साहको बिहान ९:४५ बजे मृत्यु भएको हो।
विष सेवनपछि गम्भीर अवस्थामा रहेकी साहलाई अस्पतालमा भर्ना गरिएको थियो। यस घटनाले स्थानीय क्षेत्र शोकमा डुबेको छ।
प्रकाशित मिति: १२ बैशाख २०८२, शुक्रबार
प्रतिक्रिया