काठमाडौं । नेपाली कांग्रेसको संसदीय दलको बैठक आज दिउँसो २ बजे नयाँ बानेश्वरस्थित संघीय संसद भवनको ल्होत्से हलमा बस्ने भएको छ।
आगामी आर्थिक वर्ष २०८२/८३ का लागि सरकारले प्रस्तुत गरेको नीति तथा कार्यक्रमबारे संसदमा हुने छलफलमा प्रभावकारी सहभागिता जनाउने उद्देश्यले बैठक आह्वान गरिएको हो।
सरकारी नीति तथा कार्यक्रममाथि संसदमा आगामी सोमबारदेखि लगातार छलफल सञ्चालन हुने कार्यतालिका रहेको छ। यसै सन्दर्भमा पार्टीको धारणा निर्माण तथा रणनीति तय गर्न कांग्रेसले बैठक डाकेको हो।
प्रकाशित मिति: २० बैशाख २०८२, शनिबार
प्रतिक्रिया